Avval xabar berganimizdek, Mustaqil Davlatlar Hamdo‘stligi (MDH) Ijroiya qo‘mitasining Saylovlarni kuzatish bo‘yicha missiyasi shtabi rahbari Yevgeniy Kozyak Farg‘ona viloyatiga tashrifi davomida saylov uchastkalarida bo‘lib, siyosiy jarayonlarga tayyorgarlik ishlari bilan tanishmoqda.

Xalqaro kuzatuvchi Marg‘ilon shahridagi 256-uchastka saylov komissiyasi bo‘lib, bu yerda saylovchilar uchun yaratilgan sharoitlar, uchastkaning moddiy texnik bazasi,  jihozlanishi,  imkoniyati cheklangan kishilar  harakatlanishi uchun yaratilgan sharoitlar bilan  tanishdi.

Asosiy e’tibor muddatidan ovoz ber ish jarayonlarining borishiga qaratildi. Yevgeniy Kozyak uchastka saylov komissiyasi raisi va a’zolari bilan joriy yilning 16-oktyabridan boshlab, 23 oktyabr kunlari o‘tkaziladigan muddatidan ovoz berish tartibi va qonun qoidalari haqida suxbatlashdi.

Shuningdek, xalqaro kuzatuvchi Toshloq tumanidagi 927-uchastka saylov komissiyasida ham bo‘lib, komissiya a’zolarining saylovchilarning elektron ro‘yxatlari bilan ishlash jarayonlari bilan qiziqdi.

Toshloq tumanida 52 ta saylov uchastkasi tashkil etilgan. Tumanda doimiy ro‘yxatda turuvchi 219 ming 585 nafar aholining 118 mingdan ziyodini saylovchilar tashkil etadi. Bu yilgi saylovlarda esa 1 ming 896 nafar yigit-qiz birinchi marotaba deputatlikka nomzodlarga ovoz beradilar.

Quva tumanidagi Abu Ali Ibn Sino nomidagi jamoat salomatligi texnikumida joylashgan 650-uchastka saylov komissiyasida ham uchastka saylov komissiyasidagi har bir a’zoning faoliyatiga alohida e’tibor qaratildi. Aytish joiz bo‘lsa bugungi tanishuvlar, kuzatuvlar davomida ularning bilim va ko‘nikmalari yana bir karra sinovdan o‘tdi.

Xalqaro kuzatuvchi Quva tumanidagi 3-maktabda joylashgan 584-uchastka saylov komissiyasida,  Pedagogika kollejida joylashgan 588- uchastka saylov komissiyasida ham bo‘ldi.

Farg‘ona viloyati hududiy saylov komissiyasi

Matbuot xizmati