Bugun Farg‘ona viloyati hududiy saylov komissiyasiga Yevropada Xavfsizlik va Hamkorlik Tashkiloti (YEXHT)ning uzoq muddatli kuzatuvchilari – Benedikt Uilyams va Mixael Xausmann viloyatda saylovga tayyorgarlik jarayonlari qay darajada olib borilayotgani bilan tanishish maqsadida tashrif buyurdi.  

Xorijiy kuzatuvchilar Farg‘ona viloyati hududiy saylov komissiyasi raisi Erkinjon Nuraliyev bilan muloqot qilib, saylovga tayyorgarlik jarayonlari, bu galgi saylovlarning o‘ziga xos jihatlari, bunda hududiy saylov komissiyasining vazifalari, saylov komissiyalari a’zolarini o‘qitish jarayoni, saylovchilar ro‘yxatini shakllantirish, ovoz berishni o‘tkazish uchun ko‘rilayotgan tayyorgarlik, ayni paytda siyosiy partiyalar tomonidan saylovoldi tashviqotini olib borish uchun yaratilgan sharoitlar yuzasidan o‘zlarini qiziqtirgan savollarga javob oldilar.

Shundan so‘ng hududiy saylov komissiyasi a’zolarining ish faoliyati, ularga yaratilgan shart-sharoitlar bilan tanishdi.